AU PAIR USA პროგრამის შესახებ

Au Pair USA არის კულტურულ გაცვლითი პროგრამა, რომელიც გულისხმობს ამერიკულ ოჯახში ბავშვებთან დასაქმებას. ის ხორციელდება აშშ-ს სახელმწიფო დეპარტამენტის მხარდაჭერით და მონაწილეებს აძლევს საშუალებას მინიმუმ ერთი წლით დასაქმდნენ და იცხოვრონ აშშ-ში. პროგრამის ერთ-ერთი მთავარი მიზანია ინგლისური ენის გაუმჯობესება, რომლის ფარგლებში მასპინძელი ოჯახი აფინანსებს ენის კურსს. კომპანია Staracademy ოფიციალურად თანამშრომლობს სპონსორ ორგანიზაციასთან INTRAX-თან, რომელიც არის აკადემიური და კულტურული გაცვლითი პროგრამების კომპანია. აშშ-ს სახელმწიფო დეპარტამენტი ამ ორგანიზაციებს ანიჭებს მსგავსი პროგრამების ადმინისტრირების უფლებამოსილებას, რომელშიც მონაწილეობისთვის გაიცემა J-1 კატეგორიის ვიზა. პროგრამის ფარგლებში, მონაწილეები იღებენ სპონსორი ორგანიზაციის მხარდაჭერას, რომლის გარეშეც პროგრამაში მონაწილეობა შეუძლებელია. მისი ძირითადი მოვალეობაა დაუმზადოს მონაწილეობისთვის საჭირო დოკუმენტები, შეამოწმოს და დაადასტუროს დასაქმება, უზრუნველყოს სამედიცინო დაზღვევა და აშშ-ს ტერიტორიაზე გაუწიოს საინფორმაციო მხარდაჭერა 24 საათის განმავლობაში.